Showing posts filed under CERPEN BANJAR

CERPEN BANJAR 6

by eanreana on 06:38 PM, 04-Dec-13

Ada ampat ikung mahasiswa nang talambat umpat ujian semester gara-gara malandau. Supaya kada katahuan wan kada disariki dosen, lalu ae buhan nang baampat ni baulah alasan supaya sama, nyaman dosen kada bamamai lawan hakun mambari buhannya ujian ba'asa.

Mahasiswa A:"Pa, maaf unda wan kakawalan talambat umpat ujian semester tadi!".

Mahasiswa B:"Iih Pa ae! Buhan kami tadi taimbai di angkot nang sama. Sakalinya ditangah jalan bannya buntus".

Mahasiswa C:"Inggih Pa ae! Kami maras wan supirnya. Jadi kami manggani'i sidin mangganti wan mamasang ban nang hanyar. Makanya kami kada sawat lagi umpat ujian!".

Mahasiswa D:"Jangan sarik Pa lah!? Kawalah kami maminta waktu gasan ujian ba'asa?"

Si Dosen lalu bapikir satumat. Imbahnya hakun ae sidin maijin akan buhan baampat tadi maumpati ujian ba'asa.

Isukan harinya...
Buhan nang ampat ikung mahasiswa di suruh manggawi ujian ba'asa. Tapi buhannya dipisah-pisah ruangan gasan manggawinya.
"Ah, nyaman kada kawa bateronan kalo!" kaya tu pikiran buhan nang baampat ni napa buhannya jadi balain-lain wadah manggawi soal ujian.

Sakalinya soal ujiannya 2 buting haja. Tapi soal nang kadua hanyar di padah akan mun sudah tuntung manggawi soal nang pamulaan.

Soal pamulaan ni nilainya 10 mun bujur isiannya. Saking nyaman banar tu soal nang pamulaan ni, takurihing banar buhan nang baampat ni tadi manggawinya.

Tuntung soal nang pamulaan, hanyar diunjuk kartas soal nang kadua. Soal nang kadua ni 90 nilainya mun bujur manjawab.
Limbui paluh dingin saikungan awak dapatnya buhan baampat ni imbah mambaca soal nang kadua!
Apa soal nang kadua kaya ni tulisannya:
Samalam tu, ban angkot nang sabalah mana nang buntus?

Mahasiswa A, B, C, D: ?!?!?!!

(sumber: diadaptasi dari cerpen berjudul "UJIAN SUSULAN 4 MAHASISWA".
Buat yg pengen baca versi aslinya silakan cari di gudang tawa.com)

_

CERPEN BANJAR 5

by eanreana on 09:18 AM, 27-Jul-13

Ada palumbaan bacapatan wan baharatan manatak kapala lalat. Palumbaan di umpati banyak nagara. Tapi 6 nagara za nang kawa masuk ka babak final. Nagara nang masuk final tu Amerika, Arab Saudi, Inggris, Jepang, Australia wan Indonesia. Nang pamulaan maju urang Amerika nang takanal wan koboynya. Babaya mancabut pistolnya langsung pagat kapala lalat. Imbah tu nang tampil kadua urang Arab Saudi nang harat... [Read More]

CERPEN BANJAR 4

by eanreana on 06:53 AM, 02-Jul-13

Kisah nang sedih.... Baisukan hari... Ada urang sugih nang lagi bajalan pakai mobilnya nang harat wan bengkeng-bengkengnya. Urangnya lakian nang pina setengah tuha sudah. Pas haratan lewat disabuah kampung nang pina miskin banar, urang ni melihat ada babinian nang lagi makan rumput di sebuah lapangan. Lalu turun ae urang tadi dari atas mobilnya dan mandatangi babinian tadi. Ditakuninya babinian tu: Lakian: "Uy...Cil! Kanapa jadi... [Read More]

CERPEN BANJAR 3

by eanreana on 08:09 PM, 11-Jun-13

Ada kai nang sudah handak sekarat. Sidin lalu mangiyau cucu nang tinggal saikungannya lagi. Narannya Maya. kadada lagi kaluarga sidin salain cucunya ngitu. Lalu sidin bapander lawan cucunya: Kai: "Maya, Kai sudah kada kuat,pinanya kada lawas lagi. Kai baharap nyawa hakun manarus akan pakabunan Kai?" Maya: "Piyan jangan bapander kaya ngitu Kai ae!" (padahal didalam hati kahimungan pacangan dapat warisan). Kai: "Samunyaan isi... [Read More]

CERPEN BANJAR 2

by eanreana on 11:39 PM, 17-May-13

Suatu hari baisukan di sabuah peternakan ayam wan itik. Itik bini wan ayam bini lagi bapanderan. Ayam lalu batakun lawan itik. Ayam:"Tik nyawa bajual hintalu barapa sabigi?" Itik:"unda bajual Rp1200,- sabigi. Nyawa pang barapa bajual sabigi?" Ayam:"mun unda bajual Rp1000,- za sabiginya" Itik:"mun nyawa handak bajual nang kaya pun unda harganya, ganali hintalu nyawa!" Ayam:"babungulan hakun...! Lobang burit baluas mamalar Rp200,- za! Baik paraya ha...! Ayam mangalunyur tulak... [Read More]

CERPEN BANJAR

by eanreana on 06:42 AM, 02-May-13

Ada urang kampung tulak ka kota. Narannya Nanang. Sampai di kota Nanang bingung malihat bangunan nang tinggi-tinggi. Nanang bajalan bakaliling kota. Pas lewat dimuka BANK, Nanang mambaca tulisan "OPEN" dimuka lawangnya. Malihat bangunan BANK nang ganal Nanang bingung & mikir "OPEN kok ganal banarlah? Mun OPENnya za kaya itu wadainya kaya apa yo?" Rupanya Nanang mangira "OPEN" itu sama dengan "OVEN"... [Read More]